Burri zv/rektor i Zv/ministres së Arsimit, Ana Kapaj, në çetën e hajdutëve të UBT; ajo nuk dorëhiqet

Kryeministri Edi Rama nuk e shkarkon pas skandalit, ndërsa ministrja Ogerta Manastirliu e ka autorizuar zv/ministren Ana Kapaj, të bëjë kontroll administrativ e financiar te Universiteti Bujqësor i Tiranës, ku sipas SPAK, burri i saj saj rezulton se ka bërë pazare dhe ka fimosur falsifikimet e vjedhjeve me tenderët...  

Qëndrimi shfajësues i Edi Ramës ishte: “Përgjegjësia është personale”; por kur personat e penalizuar janë pjesë e pushtetit e madje brenda një familjeje, qeveritarët kanë përgjegjësi e detyrim moral, të largohen nga detyrat me dorëheqje ose shkarkim.

Zv/ministrja e Arsimit, Ana Kapaj nuk po dorëhiqet, megjithëse me kërkesë të SPAK-ut e vendim të Gjykatës së Posaçme, ndaj bashkëshortit të saj Ilir Kapaj, Zv/rektor i Universitetit Bujqësor të Tiranës, është me “Detyrim paraqitje”.

Ai është me këtë masë penale, sepse gjatë hetimit ekomomik e financiar në Universitetin Bujqësor, SPAK ka konstatuar indicie e prova, se burri Zv/rektor i Zv/ministres së Arsimit, Ana Kapaj, është pjesë e “çetës” që ka bërë pazaret dhe ka fimosur falsifikimet e vjedhjeve me tenderët.

Por pas këtij skandali, as kryeministri Edi Rama nuk po e shkarkon zv/ministren e Arsimit Ana Kapaj, ndërsa ministrja Ogerta Manastirliu e ka autorizuar, të bëjë kontroll administrativ e financiar te Universiteti Bujqësor i Tiranës.

Pra, një drejtuese e ministrisë, do kontrollojë dosjet ekononike financiare, të universitetit ku edhe bashkëshorti i saj drejtues, ka emrin, kontaktet dhe aktet si bashkëpunëtor në vjedhjet e 900 milionë lekëve të zbuluara deri tani.

Saktësojmë, se bashkëshorti i zv/ministres së Arsimit, është emëruar zv/rektor në muajin shtator 2020, kur ajo ishte anëtare e Senatit te Universiteti Bujqësor i Tiranës.

Por abuzimet në Universitetin Bujqësor, i ka miratuar dhe Bordi i Administrimit, ku universiteti ka 4 anëtarë, ndërsa Ministria e Arsimit ka 3 anëtarë të emëruar nga ministri në shtator 2022 me afat 5 vite, të cilët janë lënë jashtë hetimit megjithëse kanë firmosur çdo shpenzim.

Para emërimit në detyrën Zv/ministre e Arsimit, me përzgjedhje e vendim të Bablokut, Ana Kapaj ka qenë Anëtare e Komisionit të Vetingut në Policinë e Shtetit, ndërsa ministrja Ogerta Manastirliu i ka deleguar të gjitha kompetencat për emërime, shkarkime, tenderë e kontrolle të auditimeve të brendshme në ministrinë e Arsimit