Deputeti shqiptar në Serbi kërkon ndryshimin e ligjit: Të lejohet përdorimi i flamurit për festat…

Shaip Kamberi, deputeti shqiptar në Parlamentin e Serbisë, ka kërkuar ndryshimin e ligjit për mbrojtjen e të drejtave dhe lirive të pakicave. Sipas tij, ligji aktual ndalon përdorimin e simboleve kombëtare nga pakicat.

Në Serbi pakicat përbëjnë 5% të strukturës etnike dhe nga Kamberi është kërkuar lejimi i përdorimi të flamurit në festat kombëtare të pakicave nacionale. Sipas deputetit, ky propozim është përkrahur edhe nga kolegët e tij Enis Imamovic, Selma Kucevic dhe depiteti i pavarur Aleksandar Olenik.

Propozimet e kërkuar nga Shaip Kamberi, synojnë që të lejojnë përdorimin haptas të flamurit shqiptar gjatë festave kombëtare. Në Luginë dhe zona të tjera ku ka shqiptarë, përdorimi i flamurit kuqezi është i ndaluar.

Shënimi i plotë i Shaip Kamberit:

Ndryshimi i Ligjit për pakica për të lejuar përdorimin e lirë të flamurit

Në procedurë parlamentare sot dorëzova propozimin për ndryshimin e Ligjit për mbrojtjen e të drejtave dhe lirive të pakicave.

Neni 14, alinea 2 e këtij Ligji ndalon përdorimin e simboleve kombëtare “nëse janë identik me simbolet e shtetit tjetër”.

Me propozimin e ri kam kërkuar ndryshimin e plotë të këtij Neni, eliminimin e pengesave për përdorimim e simboleve, me propozimin që simbolet e pakicave të përdoren lirshëm dhe zyrtarisht gjatë tërë vitit në institucionet e vetadministrimit lokal dhe organet shtetërore në të gjitha komumat në të cilat gjuha e pakicave është gjuhë zyrtare.

Në rastet e komunave ku pakicat përbëjnë më pak se 5% të strukturës etnike, me këtë propozim kërkohet lejimi i përdorimit të flamurit në festat kombëtare të pakicave nacionale.

Propozimin për ndryshimin e këtij Ligji e kanë përkrahur edhe kolegët e mi deputet, Enis Imamovic dhe Selma Kucevic nga SDA e Sanxhakut dhe deputeti i pavarur Aleksandar Olenik.