Gjergj Luca pezulloi firmën “Dando Fish-Shëngjini” si biznes peshku; po e përdor për biznes droge

Sipas detyrimit të vartësisë ligjore, SHISH dhe agjencitë anti-kirm e anti-mafie të policisë, në datën 18 korrik 2017 çuan informacionet te kryeministri Edi Rama, por siç duket, ai  mikun e tij Gjergj Luca të pastronte gjurmët...

Trafikanti peshkatar Gjergj Luca kalon në skizofreni, sa herë që “Pamfleti” i kujton raportin e agjencive ndërkombëtare, për aktivitetin e trafikimit ndërkombëtar të drogës me Pëllumb Gjokën e Roland Ziun, të cilëve, Babloku u ka dhënë leje e pasuri shtetërore si “investitorë strategjikë”.

Por prapa investimeve miliona Euro, që Gjergj Luca ka bërë në fabrika peshku, restorante e vila në Shëngjin, Durrës, Tiranë, Elbasan, Korçë, Sarandë, shpenzime për blerje anijesh, qëndrojnë financime të pista me burim drogën, biznesin e të cilës e kryen me një komponi të pezulluar para 8 vitesh.

Më 5 dhjetor 2016, shtetasi serbo-kroat, Vladan Marinko Bojiç në atë vit 61 vjeç, mik i Gjergj Lucës nga koha e trafikut ndërkombëtar të drogës, krijoji kompaninë “Dando Fish Shëngjini” me kapital 3.1 milionë lekë dhe adresë te zyrat e kompanisë “Rozafa Sh.p.k” në Portin e Shëngjinit.

Por, 25 ditë pas krijimit, më 31 dhjetor 2016, serbo-kroati Bojiç; i shiti 51% të aksioneve mikut trafikant Gjergj Luca me vlerë 1.9 milionë lekë, ndërsa pas 6 muajsh, në datën 31 korrik 2017, ia shiti dhe pjesën 49% me të njëjtën vlerë 1.9 milionë lekë.

Fakti që ishte në zyrat e kompanisë “Rozafa” dhe që serbo-kroati, vendosi administrator trafikantin Agron Metvelaj, punonjës dhe ortak i Gjergj Lucës, i dha indicie SHISH-it, Anti-trafikut e Anti-mafies, të gjurmonin aktivitetin e kompanisë “Dando Fish Shëngjini”.Gjatë 4 muajve gjurmim në periudhën shkurt-qershor 2017, SHISH dhe agencitë e anti-krimit, konstatuan se nën maskën e aktivitetit të peshkimit e përpunimit të peshkut, bëhej trafik droge nëpërmjet anijeve, varkave, e automjeteve të kompanisë “Dando Fish Shëngjini”, që faktikisht ishin të kompanisë “mëmë” “Rozafa” të Gjergj Lucës.

Sipas detyrimit të vartësisë ligjore, SHISH dhe agjencitë anti-krim e anti-mafie të policisë, në datën 18 korrik 2017 çuan informacionet te kryeministri Edi Rama, por siç duket, Babloku njoftoi mikun e tij Gjergj Luca të pastronte gjurmët.

Pas dy javësh nga dërgimi i informacionit te Babloku, konkretisht në datën 31 korrik 2017, serbo-kroati Vladan Marinko Bojiç u largua nga kompania e nga Shqipëria duke i shitur aksionet ortakut Gjergj Luca, ndërsa ky, pas 1 muaji, më 31 gusht 2017, pezulloi aktivitetin e kompanisë me shënimin “Pezullim i përkohshëm”.

Në Qendrën Kombëtare të Biznesit, kompania “Dando Fish Shëngjini” figuron e pezulluar, por ajo vazhdon aktivitet peshku e trafiku me logon e kompanisë “Fish Love Sh.p.k” më qëndër në Shëngjin, krijuar më 7 korrik 2018 nga Agron Metvelaj, punonjës i kompanisë “Rozafa” dhe ende administrator i firmës së pezulluar të Gjergj Lucës.

Por dhe trafiku i drogës, i kryer me anijet “Rozafa” e finalizuar me mjetin lundrues “Guja-Nr.0922”, u zbulua dhe kjo e detyroi pronarin Agron Metvelaj, bedel i Gergj Lucës, që në datën 14 dhjetor 2019 të pezulonte aktivitetin e kompanisë hije “Fish Love Sh.p.k”.

Pas 6 muajsh, në  datën 22 qershor 2020 e hoqën pezullimin dhe po vazhdojnë aktivitetin e peshkimit, magazinimit, import-eksportit të peshkut e pjesëve të këmbimit për anije, nën maskën e të cilave kalon ‘malli’.

Madje magazinat e tyre janë ngjitur me godinën e policisë në Shëngjin, por në linjën e trafikut të drogës, është dhe kompania “Ittica San Giovani Sh.p.k” me qënder në Shëngjin, ku drejtor është Agron Metvelaj, i cili përdor anijet dhe mjediset e kompanisë Rozafa të Gjergj Lucës.