Shaban Sejdiu - legjenda shqiptare e mundjes

"Shqiptari i parë që ka fituar medaljen e artë në Lojrat Olimpike është Shaban Sejdiu (Trstena).

Ai ka fituar Medaljen e Artë ne Lojrat Olimpike të Los Angeles-it në vitin 1984 në mundjen e lirë në peshën 52 kg (kuptohet, duke qenë sportist i ish Jugosllavise).

Shaban Sejdiu, i lindur në Shkup, 58 vjet më parë, më 1 janar 1965 mbetet ende medalisti i artë më i ri në moshë (19 vjeç) që fiton një medalje të tillë në mundje në një Olimpiadë...

Në Olimpiadën e Seulit në vitin 1988, Sejdiu fitoi Medaljen e Argjendit.

Shaban Sejdiu ka qenë edhe dy herë Kampion i Evropës në vitet 1984 dhe 1990.

Gjatë karrierës së tij Shaban Sejdiu ka fituar 715 ndeshje në 741 të zhvilluara.

Ka marrë pjesë në 42 turne të nivelit ndërkombëtar duke fituar 30 Medalje të Arta.

...Dhe në mënyrë paradoksale, kur u kthye nga Los Angeles me Medaljen e Artë olimpike më 1984, në aeroportin e Shkupit e pritën jo më shumë se 20 veta, kryesisht familjarë të tij. Asnjë autoritet jugosllav nuk ishte në pritjen e kampionit olimpik..." - kujton Saimir Z. Kadiu...

Vlen të përmendet se, mikja e ngushtë e tij, këngëtarja më e famshme në Jugosllavi, Lepa Brena, më 1985-n këndoi një këngë kushtuar atij që titullohej Ljuba me Šabane (I dashuri im Shaban)...

Shaban Sejdiu, mundësi legjendar nga Shkupi, ka fituar të gjitha medaljet e kampionateve dhe olimpiadave botërore ku ka marrë pjesë.

Shaban Sejdiu sot është Nënkryetari i Komitetit Olimpik të Maqedonisë së Veriut.