Marcelo Mastrioianni (28 shtator 1924-19 DHJETOR 1996)

Marcelo Mastrioanni, ky monument i Kinemasë Italiane, interpretuesi i ardhshëm i më se 120 filmave, u rrit në një familje të varfër.

Babai i tij ishte ndreqës furniturash të vjetra... Shumë shpejt, i semurë nga diabeti, ai humbi shikimin dhe nuk pati fat të shikonte filmat e të birit të tij të talentuar..., por jetoi të paktën sa arriti të dëgjonte zërin e tij në dy filmat e parë.

Nëna e tij, disa kohë përpara se të ndahej nga jeta, ka treguar origjinën e saj që e kishte fshehur gjithë jetën. Ajo kishte lindur ne Hamburg nga prindër me origjinë ebreje nga Bjellorusia.

Italianët ndahen ende sot në mendimin se kush ështe më i madhi i kinemasë italiane: Amedeo Nazari, Vittorio Gazman, Raf Vallone, Gian Maria Volonte, Ugo Tognazzi, Alberto Sordi, Giancarlo Giannini apo Marcelo Mastroianni.

Sipas “patriarkut” italian të kinematografisë Federico Fellini, Marçelo Mastroianni mbetet më i preferuari dhe, padyshim, aktori më inteligjent i kinemasë italiane.

"The Latin Lover" ishte alter ego e regjizorit të madh…

''La Dolce Vita,'' they ''8 1/2'' ''Qyteti i grave'', ''Ginger e Fred'' dhe "Intervista" ishin kryeveprat e bashkëpunimit midis tyre.

Më i madhi…, është e vështirë, po, nëse do të pyetej Sofia Loren, përgjigja do të ishte në sekondë dhe pa mëdyshje: Marçelo Mastroianni.

Marçelo Mastroianni ka luajtur edhe rolin e Gjeneralit në filmin francez që është mbështetur te romani i Ismail Kadaresë "Gjenerali i Ushtrisë së Vdekur".

Nga Saimir Z. Kadiu