Ndahet nga jeta ikona e kinematografisë shqiptare, Margarita Xhepa

Ylli i kinematografisë shqiptare ka ndërruar jetë në moshën 91-vjeçareËshtë ndarë nga jeta aktorja e madhe shqiptare, Margarita Xhepa.

Sipas burimeve të Pamfletit, ylli i kinematografisë shqiptare ka ndërruar jetë në moshën 91-vjeçare.

Lajmi është konfirmuar edhe nga i biri, Ndriçim Xhepa.

Aktorja u lind më 2 prill të vitit 1934, në qytetin e Lushnjës, prej ku ka filluar hapat e parë drejt karrierës së saj.

Aktorja ka festuar ditën e djeshme ditëlindjen.

Gjatë karrierës së saj, aktorja e madhe Margarita Xhepa ka krijuar mbi 150 role në teatër dhe 32 role në kinematografi.Veç suksesit me veprat e shumta të dramaturgëve shqiptarë, Margarita Xhepa ka korrur sukses edhe në rolet e dramaturgjisë botërore si, Ofelia tek “Hamleti”, vajza e dytë tek “Mbreti Lir”, dadoja tek “Romeo e Zhuljeta”, mbretëresha Margaret tek “Rikardi III”, etjNë vitin 1997, interpretoi në filmin grek “Mirupafshim” (regjisor J. Koras, K. Vupuras). Filmi u laureua me Çmimin e Madh në Festivalin Ndërkombëtar të Filmit Mesdhetar në Selanik, ndërsa Margarita Xhepa, Çmimin e Nderit.

Aktorja u aktivizua fillimisht në Estradën e Shtetit dhe më pas në Teatrin Popullor.

Në vitin 2007 iu dha “Çmimi i Karrierës” për rolin e Nadjezhnës në monodramën “Kënga e mjellmës” së Çehovit.

Krahas teatrit, Xhepa është shfaqur në ekranin e filmit me një galeri të larmishme prej 32 rolesh. Disa prej personazheve që interpretoi mjeshtërisht janë Zyraka te “Vitet e para” (1965), Shano te “Dimri i fundit” (1976), pianistja te “Koncert në vitin 1936” (1978) dhe Lena te “Tokë e përgjakur” (1976).