Në prag të gjysëmfinales së parë të Botërorit Catar 2022

Argjentinë - Kroaci

Historia e përballjeve mes tyre në futboll.

_____

Dy kapitenët Luka Modriç dhe Leo Messi kanë “një herë të parë” të përbashkët, që koincidon me përballjen Argjentinë - Kroaci. Në takimin miqësor të luajtur më 1 mars 2006, në Stadiumin Jakob Park të Bazelit, Modriç (i datëlindjes 9 shtator 1985) luante për herë të parë me përfaqësuesen kroate, ndërsa Messi (i datëlindjes 24 qershor 1987) shënonte golin e parë të tij me Argjentinën.

Për statistikë, ndeshja përfundoi 3-2 për kroatët (1-0 Klasniç 3’; 1-1 Tevez 4’; 1-2 Messi 6’; 2-2 Srna 52’; 3-2 Simiç 90’).

Që nga ai takim, Messi ka shënuar edhe 94 gola të tjerë në 170 ndeshje, ndërsa Modriç ka luajtur edhe 159 ndeshje të tjera (23 gola). Kanë luajtur dy herë kundër njëri-tjetrit dhe dy herë ka fituar Kroacia.

Bilanci para gjysëmfinales është i barabartë: 2 fitore për secilën skuadër dhe 1 barazim

Ndeshja e parë 4 janar 1994: Kroaci - Argjentinë 0-0, në Stadio Maksimir, Zagreb. Boban, Prosinecki, Suker, Biliç luanin kundër Maradonës, Batistutës, Simeones, Redondos, Caniggias.

Ndeshja e dytë 26 qershor 1998: Argjentinë - Kroaci 1-0, Kupa e Botës Francë. Shënuan për Argjentinën, Pineda 36'.

Ndeshja e tretë 1 mars 2006: Argjentinë - Kroaci 2-3 (miqësorja e përmendur më lart).

Ndeshja e katërt 12 nëntor 2014: Argjentinë - Kroaci 2-1 (miqësore në Upton Park, Londër). Permbysnin golin e kroatëve të shënuar nga Sharbini në 11', Ansaldi 49' dhe Messi 57' (penallti).

Ndeshja e pestë 21 qershor 2018: Kroaci - Argjentinë 3-0, Nizhni Novgorad, Kupa e Botës në Rusi. Shënonin Rebiç 53', Modriç 80' dhe Rakitiç 90'.