SHAQIRI SHËNON PËRSËRI KUNDËR SERBISË

Pas ndeshjes së sontme Zvicër - Serbi, në të cilën me kontributin e dukshëm të lojtarëve shqiptarë Xherdan Shaqiri e Granit Xhaka, Zvicra triumfoi dhe kaloi grupin për të vazhduar rrugëtimin në Botërorin Katar 2022, futbollistët shqiptarë Shaqiri e Xhaka, për t'iu përmbajtur rregullores së FIFA-s, pas shënimit të golit kundër Serbisë, simbolin e shqiponjës sonë dy krenore nuk e bënë duke bashkuar duart, por zgjodhën mënyrën duke rrokur kokat e hapur krahët e tyre.

Nën titullin: "SHAQIRI SHËNON PËRSËRI KUNDËR SERBISË", enciklopedisti Saimir Z. Kadiu në faqen e tij në fb na kujton:

"■ Xherdan Shaqiri me golin e shënuar kundër Serbisë, bëhet lojtari i parë zviceran që shënon në tre Kupa të Botës (2014, 2018, 2022).

■ Ai gjithashtu bëhet lojtari i dytë zviceran që luan në 4 Kupa të Botës (2010, 2014, 2018, 2022).

I pari "zviceran" është një tjetër shqiptar (Valon Behrami) që ka luajtur në Botërorët 2006, 2010, 2014, 2018.

■ Ndeshja e sotme kundër Serbisë, për Shaqirin është ndeshja e111-të me perfaqësuesen e Zvicrës. Vetëm Herman (119 ndeshje) dhe Alan Gaiger (112 ndeshje) kanë luajtur me shumë se Shaqiri. Pas Shaqirit vjen Granit Xhaka (110 ndeshje).

■ Në 111 ndeshje ai ka shënuar 27 gola, duke u bërë shënuesi i gjashtë më i mirë për përfaqësuesen helvete. Shënuesi më i mirë mbetet Alexandër Frei me 42 gola.

■ Me 5 golat e tij në Kupat e Botës (në 11 ndeshje), Shaqiri, shqiptari i lindur ne Gjilan të Kosovës (1991) është shënuesi i dytë më i mirë i Zvicrës në Kupat e Botës, pas Sepp Huegi (6 gola).

Bashkë me Huegi, janë të vetmit lojtarë të perfaqësueses zvicerane që kanë shënuar triplete në një ndeshje të Kupës së Botës...

■ Huegi (1930 -1995) ka shënuar 6 gola në Botërorin zviceran të vitit 1954. Ai shënoi 3 gola kundër Italisë në dy ndeshje në fazën e grupit (2-1 dhe 4-1) dhe 3 gola në çerekfinale kundër Austrisë (5-7)...

■ E përbashkëta e Shaqirit dhe Huegit është se ata kanë luajtur me FC Basel."

***