TË MËDHENJTË E ARTIT këshillojnë dhe rrëfehen për Vitin e Ri

NIL GAIMAN:

“Shpresoj gjatë këtij viti që vjen, të bëni gabime.

Sepse nëqoftëse bën gabime, atëhere bën gjëra të reja, provon gjëra të reja, mëson, rron, detyron vetëveten, ndryshon veten tënde, ndryshon botën tënde. Bën gjëra që nuk i ke bërë kurrë më parë, dhe më e rëndësishmja, bën diçka.

Ky pra është urimi im për ty, për të gjithë ne, por edhe urimi im për veten time.

Bëni Gabime të Reja. Bëni gabime me nam, të jashtëzakonshme. Bëni gabime që s’i ka bërë askush më parë. Mos nguro, mos ndalo, mos u shqetëso se nuk është ndonjë gabim dhe kaq i mirë ose i përkryer, çdo gjë që të jetë: dashuri, art, puna ose familja jote, edhe vetë jeta.

Ç’gjëkafshë ke frikë ta bësh, bëje!

Bëni gabimet tuaja, vitin që vjen dhe kurdo!”

_____

ÇARLS BUKOVSKI:

“Kisha shkuar për gjumë më 9:00 të natës,

fika dritat,

tërhoqa mbulesat -

zelli i tyre, lumturia e tyre,

britmat e tyre, kapelet e tyre prej letre,

makinat e tyre, gratë e tyre,

të dehurit e tyre diletantë...

Pragu i vitit të ri gjithmonë më tremb,

jeta nuk njeh asgjë nga vitet...”

_____

LEONARD COEN:

“Do desha të kujtoja

pronarët,

se pijet janë të dehura

dhe goca që provon kapelen

ka verem,

se orkestra përbëhet

prej ish egërsirash SS.

Ndërkaq, gjersa është

prag i Vitit të Ri

dhe kam kancer tek buzët

do të vendos

kapelen prej letre mbi krye,

tërmet dhe valle."

_____

Shqipëroi:

Grigor Jovani

Athinë, janar 2023