Veliaj reagon sërish nga burgu: Prokurori ndërtues Ols Dado më ka faturuar si korrupsion edhe një shtëpi 1-katëshe në Yrshek

Prokurori ndërtues më ka faturuar si korrupsion edhe këtë shtëpi modeste 1 katëshe!

Kryebashkiaku i Tiranës, Erion Veliaj ka reaguar sërish nga burgu, duke shfaqur një banesë, që sipas tij, i ishte faturuar si korrupsion në dosjen e tij.

Ai akuzoi prokurorin Ols Dado se “e di shumë mirë që për të aplikuar për leje ndërtimi, si për një shtëpi 1-katëshe, ashtu edhe për një pallat shumë katësh, ligji kërkon që ndërtimi të bëhet nga një shoqëri me licencat përkatëse”.

Në një reagim në Facebook, Veliaj e quan provë për të kuptuar se deri ku shkon fantazia e shfrenuar e prokurorit ndërtuar Ols Dado. Veliaj shkruan gjithashtu se familja nga Yrsheku, ndryshe nga prokurori ndërtues, nuk është paraqitur asnjëherë në Bashkinë e Tiranës për t'u interesuar për lejen e ndërtimit.

“Shikojeni pak këtë video për të kuptuar se deri ku shkon fantazia e shfrenuar, prej prokurori ndërtues, e Ols Dados, i cili ka stisur aq shumë në dosjen e rremë kundër meje, saqë më ka faturuar si korrupsion edhe këtë shtëpi modeste 1-katëshe, që një familje e nderuar nga Yrsheku, me kursime e borxhe, ka ndërtuar me dokumentacionin ligjor të dhënë nga shoqëria "Fusha".Prokurori ndërtues e di shumë mirë që për të aplikuar për leje ndërtimi, si për një shtëpi 1-katëshe, ashtu edhe për një pallat shumë katësh, ligji kërkon që ndërtimi të bëhet nga një shoqëri me licencat përkatëse.

Familja punëtore nga Yrsheku, ndryshe nga prokurori ndërtues, nuk është paraqitur asnjëherë në Bashkinë e Tiranës për t'u interesuar për lejen e ndërtimit dhe ec e merre vesh tani se si paskam bërë unë korrupsion me Fushën, për këtë shtëpi me sipërfaqe 90m2”, shkruan Veliaj.https://www.facebook.com/ErionVeliaj?ref=embed_video