Zyrtari i DASH nis vizitën në Kosovë, pritet nga presidentja Vjosa Osmani

Këshilltari i lartë i Departamentit Amerikan të Shtetit (DASH), Derek Chollet, nisi këtë të mërkurë vizitën në Kosovë, duke takuar krerët e shtetit. Fillimisht, ai u takua me presidenten Vjosa Osmani dhe më pas do të pritet nga kryeministri i Kosovës, Albin Kurti.

Kjo vizitë e zyrtarit të lartë amerikan vjen në kohën e përpjekjeve të reja ndërkombëtare për të përshpejtuar procesin e normalizimit të raporteve midis Kosovës dhe Serbisë.

Zyrtari Chollet më herët gjatë ditës së sotme qëndroi edhe në Shkup, teksa pas Prishtinës do të niset drejt Beogradit, për t’u takuar me drejtuesit e shtetit.