Kryetari i Partisë Demokratike, Sali Berisha, ka reaguar sërish pasi u konfirmua me votë në krye të Partisë Demokratike, duke e cilësuar procesin si një fitore të demokratëve ndaj “narko-mafias më të rrezikshme në Europë”. Në një reagim të gjatë publik, Berisha deklaroi se vota e anëtarësisë së PD-së përfaqësonte “triumfin e dinjitetit” dhe demokracisë direkte. Ai theksoi se Partia Demokratike është ndër partitë e pakta që zgjedh drejtuesit sipas parimit “një anëtar, një votë”, duke e konsideruar këtë si formën më demokratike të organizimit politik. Berisha krahasoi procesin zgjedhor në PD me atë të Partia Socialiste e Shqipërisë, për të cilën tha se prej 17 vitesh nuk zhvillon votime reale për kryetarin apo forumet drejtuese. Në deklaratën e tij, Berisha akuzoi kryeministrin Edi Rama, qeverinë dhe mediat pranë saj për sulme të vazhdueshme ndaj opozitës dhe procesit të zgjedhjes së kryetarit të PD-së. Berisha deklaroi gjithashtu se kundërshtarët politikë po përpiqen të shmangin vëmendjen nga problemet reale të vendit, si korrupsioni, varfëria, emigracioni dhe çmimet e larta. Post navigation U godit rezidenca e Ambasadorit të Shqipërisë në Ukrainë, reagon delegacioni i BE: Dënojmë me forcë sulmin rus! Raketa ruse goditi kompleksin ku banonte, ambasadori i Shqipërisë në Kiev për News24: Shpërthimi shumë i fuqishëm dhe i frikshëm!
